Atohkii

Miilañru nunu ABA ka piigo mi chindu ha? ABA hala ka luniiñsi Apatani Baptist Association mi ludu. ABA ko nii do ho nii miidu hiimi chinañ domilo nunu so ahla kakato. Ngunu Tanii ganda ho Kristan atañ ka saniiñ hii ano khiiniiñ pa lyido. Kristañ hii halu giira mi aya sande̲r giisa ko ho ano uro pa tonse̲rdo ho miido ludo. Ngunu Ziro so Jisu ka Aya Puyu hii 1992 hokii ano uro pa sarila lyihii. Hiimi kappyo yapa 1984 ho Baptist Kristan atañ ka santu japa sarinii mi kapa do. Hiika haba pa 21th Oct 1993 anyañ ho ABA mi miiliñla lyihii. Hiikoja siilo loyepa ABA, ngunu Tanii ganda ka aya sako ano uro pa miila lula do. Ine kunii hokii lyiniñ paniiñ atañ mi ho sisi ka lyila donii atañ mi ngunu miyu atañ mi chinke nendu pa hala siika "abaziro.org" mi miiliñ  biilyi ke.  So no Ziro ganda hoka lyiniiñ atañ mi ano aya pa kapa lakiñ doke. Ho no niiko dalyi hokii hang luko nando milo akañ hoka ketola donii luriisiisako ho ngunu mi lurii lakiñ doke.

Share